Eriksen leh Hojlund te an inhliam

Manchester United player pawimawh panih Christian Eriksen leh Rasmus Hojlund te chu Luton Town an hneh ṭuma an inhliam avangin Denmark tan an khel thei dawn lo.

Kum 31 mi Eriksen hian a khupah hliam a tuar a, thla khat bawr vel chawl tura ngaih a ni. Hojlund pawh tihrawl hliam vangin a chawlh a ṭul dawn a, ani erawh tun thla tawpa inlan lehnghal thei tura ngaih a ni thung.

Erik ten Hag-a hote hian November 26, Pathianniah Everton an tlawh dawn a; November 29, Thawhlehni zanah Galatasaray an hmachhawn leh nghal dawn. Inkhel pahnihah hian pound maktaduai 72 man Hojlund hi khel thei lo dinhmunah a ding.