Italy tan Udogie inlan thei dawn lo

Tottenham Hotspur tana season bul ṭan ṭha tak Destiny Udogie chu hliam vangin Italy squad aṭangin a inhnukdawk. Kum 20 mi Udogie hi October thla khan Italy tan khel ṭanin Malta (4-0) an hneh ṭumin bench aṭangin a lut a, England (1-3) an hneh loh ṭumin bul a ṭan bawk.

Italy coach Luciano Spalletti chuan, "Udogie tel loh chhan hi technical thil ni loin a inhliam vang a ni," tiin a sawi. Azzurri hian Euro 2024 qualifier-ah North Macedonia (Nov 17 zan) leh Ukraine (Nov 20 zan) te an hmachhawn dawn a, an chak ve ve chuan Germany zin theihna ticket an nei ang.