NE aiawh tur Mizo nula pahnih

India rama cricket thuneitu sang ber Board of Control for Cricket in India (BCCI) hnuaia inelna Senior Women's Inter Zonal T20 Tournament neih turah Mizo nula pahnih chu North East Team aiawh tura thlan an ni.

Hmarchhak aiawh tur hian Lalrinmawii, Ainawn Veng leh PC Vansangzuali, New Chalrang/Vaivakawn te thlan an ni. Inelna hi Lucknow-ah neih tur niin stand by player atan Zemabawk nula Vanlalremtluangi thlan tel a ni bawk.

NE Team-ah hian Nagaland chuan player pali thawhin an thawh hlawk ber a, Meghalaya leh Manipur-in player pathum ve ve neiin Sikkim leh Mizoram ten player pahnih ve ve, Arunachal Pradesh-in player pakhat an thawh bawk a ni.

Rinmawii leh Zuali te telna NE Team te hian nimin khan Lucknow an pan a, hemi hmunah hian camp nghal tur niin November 24, Zirtawpni aṭanga December 2, Inrinni thleng tournament hi khelh tur a ni ang.