Raducanu inkhel dawn rih lo

Emma Raducanu chuan December thlatir hian Macau-ah exhibition match khelh a tum a, mahse a hliam a la dam fel hman dawn loa a lan avangin a inhnukdawk leh ta zawk.

British tleirawl hian khawvel barakhaihin 2021 US Open nomawi a chawi a, a lakah beiseina pawh a sang. Mahse, a hnu lamah erawh hliam leh coach chungchangah harsatna hrang hrang a nei, beisei a la phak leh ta rih lo.

Tun dinhmunah Raducanu hi a ke phah leh a ban hliam vangin a chawl mek. Kumin April thla aṭang khan tennis a la khel leh miah lo a, tunah chuan nakkum January thla lam a tinzawn a ngai ta zawk.

World number 289 a tlahniam tawh Raducanu chuan, "Tun hnaia hrehawm ka tih em em chu inkhel thei loa ka awm hi a ni, a nihna takah chuan inkhel thei loa awm chu khua a harin a hrehawm duh takzet.

"Tennis khelh chauh a ni lo, ṭha taka training theih thlengin ka chak em em vek mai a ni. Ka theih ang tawk tawk chuan ka insawizawi ve reng a, mahse na nei chung chuan a nuam tak tak thei lo," a ti.

Raducanu hi kum 21 mi chauh a la ni a, a hliamte damin a ṭhat dan taka a khel leh thei a nih chuan hmabak êng leh thui tak a la nei, kumin atan erawh inkhelh a beiseiawm tawh lo.

Tennis season an hmang zo tluk a ni tawh a, tunah chuan player dang tam zawk pawhin season thar an thlir tawh. January thla chawhnu lama khelh tur Australian Open atan an inbuatsaih ṭan tawh hlawm a ni.