Napoli-in an coach Garcia an ban

Serie A champion Napoli chuan an coach Rudi Garcia chu match 16 chauh an thawkho hman tihah an ban a, an coach hlui Walter Mazzarri enkawlna hnuaiah tun season tawp thleng an khel zui ang.

Season hmasa khan Napoli hian khawvel barakhaihin Serie A nomawi an chawi, champion puitu Luciano Spalletti chuan nomawi an chawi aṭanga rei vak lo hnuah a hna a kalsan - a hmun ruakah Mazzarri hi lakluh a ni.

Kum 59 mi Mazzarri hian besei angin hna a thawk ṭha tawk lo, season tir lam Serie A match 12 aṭangin point 21 an hmu a, hmahruaitu Inter Milan an phak lohna chu point 21 a ni der tawh a, nomawi humhim a harsa dawn.

Tuna enkawl lailawk tur Mazzarri hian kum 2009 aṭanga 2013 inkar khan Napoli hi a lo enkawl tawh a, 2012 khan Copa Italia a lakpui - he an nomawi chawi hi kum 10 chhunga an champion lehna hmasa ber niin final-ah Juventus an hneh.