Fagioli tan contract thar

Juventus chuan an midfielder Nicolo Fagioli chu contract thar an ziahpui a, kum 2028 June thla thleng Old Lady tan hian a khelh chhunzawm turin inremna an ziak fel.

Kum 22 mi Fagioli-a contract neih lai hi kum 2026 thleng daih a ni a, a kum la naupang mah se Juve chhulchhuak a nih avangin club tan a hlu a, hmun pawimawh pawh a chang chhunzawm ang.

Pawisa thapna lama a inhnamhnawih vangin Fagioli hi Italian Football Federation (FIGC) chuan a hrem lailawk mek, thla sarih vel inkhel thei dawn lo mah se Juve chuan thlun ngheh an duh tho a ni.