President's Cup : Chhinga Veng leh Ṭhuampui an tlang

17th November, 2023

Cricket Association of Mizoram (CAM) hnuaia inelna President's Cup 2023 chu nimin khan quarterfinal khelh a ni a, inkhel hmasa zawkah Chhinga Veng chuan Zemabawk Pitchers chu wicket liin an hneh.

Suaka Cricket Ground, Sihhmuia inkhel hnuhnung zawkah Ṭhuampui Chinari chuan Chanmarians lakah run 20-in hnehna an chang ve bawk.

Vawiin hian a hmun ngaiah inkhel pahnih a awm leh dawn. Chawhma dar 9:00-ah match hmasa zawk khelh tur niin Gladiators leh Venghnuai Raiders an inkhel ang a, chawhnu lamah Kulikawn leh Zarkawr Lords an inkhel ve leh thung bawk ang.