City leh Hammers inkhelh hun sawn

Premier League cham-pion Manchester City leh West Ham chu Pathianni zan khan inkhel tura tih ni mah se thlipui na tak Storm Ciara a tleh avangin an inkhelh hun tur sawn a ni a, he thu buatsaih lai hian an inkhelh leh hun tur tihchian a la ni lo. 

Manchester City thu-puangtu chuan, "Kan khaw awmdanin a zir loh avangin fan-te leh staff-te himna kan ngaihtuah a ṭul a, West Ham nena kan inkhel tur chu ṭhulh a ngai ta a ni," tiin a sawi a, inkhelh leh dawnah Hammers fan-te chuan motor chuan man chawi ngai loin Etihad Stadium an pan thei ang.  

Storm Ciara vang hian Premier League match chauh ṭhulh a ni lo a, hmeichhe football inelna Women's Super League, rugby inelna Women's Six Nations Championship leh horse racing neih turte pawh sawn an ni. 

Manchester City hian thlasik chawlh avangin February 22-ah match an nei leh dawn chauh a, Leicester City an lenchilh dawn.

Championship lama tla thei dinhmuna ding mek West Ham hmabak pawh a hautak hle. February 24 zanah Liverpool an lenchilh dawn a, inkhelh hun sawn hi an lawm viau mai thei.