Antonio Conte hma hun chiang lo

Italy boss Antonio Conte chuan Euro 2016 zawhah a hna a chawlhsan tur thu chu kar hmasa khan a sawi a, Premier League champion Chelsea nen sawi zawm nghal a ni.

Mahse, a hmalam hun chungchang sawiin Conte chuan, "Tunah chuan han ngaihven thar em em ka nei hran lo. National team coach ni lai ka ni a, hei hian zirlai tam tak min zirtir a ni," a ti.

Kum 46-a upa Conte hian kum 2011-14 khan Juventus enkawlin Serie A tilte pathum a lak pui hnuah an ram team a enkawl zui. Euro 2016 hian a contract neih lai a tawp tawh dawn a, pawh sei a tum tawh hran lo a ni.

Italy coach Conte chuan, "World Cup emaw Euro emaw a team enkawltu nih theih hi a vanneihthlak hle in ka hria. Vawi khat dam mana hetiang hun ropui kan thleng ve tur hi ka nghakhlelin ka hlim hle. Italian Football Federation president Carlo Tavecchio nen pawh kan sawi dun tawh a, ani hi he hmuna min senglut tu leh cham tura min duhtu a ni a, thil a hriat fel a ṭul. Ka cham dawn lo tih sawi mah ila ka theihna zawng zawngin ram tan ka bei dawn a ni," tiin Euro-a an ram team a enkawl thei tur chu vannei a intih thu a sawi.