President-in Real-a cham turin Gareth Bale a duh

Real Madrid president hlui Ramon Calderon chuan tun hnaia Real-in Gareth Bale contract thar ziahpui an tum chu a thlawp thu sawiin Welsh winger chuan contract thar a phu thu a sawi.

Kum 26-a upa Bale hian Santiago Bernabeu-a cham turin kum thum chhung contract a la nei a, Real hian 2012 thleng an hnena cham turin an duh. Contract thar hi a ziak a nih chuan kum 31-a upa a nih thlengin Real-ah hian a cham dawn tihna a ni.

Calderon chuan tun hnaia Manchester United nena sawizawm Bale chungchang sawiin, "Player hralh ṭhin club kan ni lo a, a lei ṭhintu chu keimahni hi kan ni. Bale hi kan hnena cham zel turin kan duh a, rei tak a cham pawh ka beisei," tiin Bale chu real tana a khelh zel a beisei.

Kum 2013-a pound maktaduai 85-a Real Madrid zawmtu Bale hian Spanish club tan match 113 a inlanah goal 54 a khung tawh a, tun season-ah hliam vanga match 20 chiah a inlan chungin goal 15 a khung tawh.