Firfiakte chetna stadium-ah France an kir dawn

November 2015-a firfiak ṭhen-khatin Paris khawpui an beih ṭuma an beih zinga mi Stade de France-ah March 29 khian France-in friendly match Russia nen an khel dawn a, he inkhel tur hian ngaihven a hlawh hle. France hian an khelmualah Russia an mikhual hmain March 25-ah Netherlands chu friendly match khel turin an lenchilh bawk ang.

Paris khawpui beih a nih lai khan Stade de France-ah hian Germany leh France-te'n friendly match an khel a, stadium chhungah hian firfiakte luh tum mah se an lut thei lo.

France manager Didier Des-champs chuan, "Mi 130 lai thihna khan kan rilru chu luah hneh hle mah se tun hi sawi hun a ni tawh lo. Tunah chuan thil hluite theihnghilh a, hmalam kan pan a pawimawh takzet a ni," a ti.

November 13-a Paris khawpui beih a nih ṭum khan Germany leh France squad-a player-te chu an sahim zawk nan stadium chhungah hian riahtir an ni.

June 10 aṭanga July 10 chhunga neih tur Euro 2016-ah hian mipui 81,338 lenna Stade de France hian opening match a thleng dawn a, France leh Romania an in-hmachhawn ang.