Mapuia Cricket League Armed Veng an chak
Mapuia Cricket League 4th Edition league round match hnuhnung berah Armed Veng CC-in run liin Chaltlang SC an hneh.
Suaka Memorial Cricket Stadium-a in-khel-ah coin toss-a van-nei Armed Veng-in bat hmasak an thlang a, run 118 siamin wicket 9 an hloh. Chaltlang SC-in over 20-ah wicket 4 chauh hloh mah se run 114 siamin an chak zo lo.
Qualifier 1-ah league hmahruaitu Chhinga Veng CC leh pahnihna Chanmarians CC te an inkhel ang a, eliminator match-ah pathumna Armed Veng CC leh palina Chaltlang SC te an inkhel thung ang.
Qualifier 1-a chak zawk hian final an lut ang a, a chak lo zawk hian final lut turin Qualifier 2 an khelh a ṭul ang. Eliminator match-a chak zawk hi Qualfier 2-ah an inhlangkai ang a, an chak leh thei a nih chuan final an lut thei ang.
Chhinga Veng CC, Chanmarians CC, Armed Veng CC leh Chaltlang SC te an la champion thei vek a, pangana Zarkawt Lords leh parukna Kulikawn CC ten beisei tur an nei tawh lo.