BCA an chak phawt

Mizoram Super League Season 2 Rele-gation Playoff game hma-sa berah Zarkawt BCA-in Chaltlang Ryders chu 63-58 in an hneh a, an chak dan thlirin March 30-a Game 2 an khelh hunah awlsam takin hnehna an chan nawn a rinawm loh.

Thawhṭanni zan inkhel hi MSL khelh zel-na atana pawimawh ni mah se BCA leh Ryders ṭantuten an ngai pawimawh tawk lo niin a lang a, Hawla Indoor Stadium-ah inkhel entu an tlem hle.

Chaltlang Ryders tan Rachit, Vishal leh Lalbeltluanga ten bul an ṭan ṭha a, first quarter-ah 19-14 in hma an hruai a, hun tawp dawn thlengin point score tam zawk an ni.

Amaherawhchu hun tawpah BCA-in team ṭha zawk an ni tih lantirin Ryders an lehthal a, quarter tawpa point 9 nei Chaltang baller-te an demawm hle. Zarkawt tan hian David Lalruatfela (15 pts), Matthew Rem-tluanga (13 pts), Lal-remsanga (12 pts) leh Paul Vanlalnghaka (11 pts) ten point 10 chuang ṭheuh an khung.

Relegation Playoff hi best of three series a ni a, BCA hian March 30-a hnehna an chang leh thei a nih chuan Ryders an tla ang. Zarkawt BCA erawh-in MSL khel zel tur-in Division I pahnihna VR4 nen playoff an khel leh ang.