Italy boss nih duh Cannavaro

Fabio Cannavaro chuan Euro 2016 zawhah Italy enkawl turin a inpeih tawha a hriat thu a sawi. Azzurri coach ni lai Antonio Conte-a'n Euro zawhah a hna a chawlhsan dawn avangin a hmun ruak a awm dawn a, Juventus defender hlui hian hnawhkhah theih a inbeisei a ni.

Kum 42-a upa Can-navaro hian Italy tan match 136 khelin goal hnih a khung ve a, kum 2006 FIFA World Cup-ah khan a kaihhruaina hnuaiah champion nomawi an chawi nghe nghe. Team enkawl lamah erawh hnuhma a la nei lian lo a, Chinese club Guangzhou Evergrande leh Saudi Arabia club Al-Nass te a lo enkawl ve tawh.

Ballon d'Or chawi-mawina lo dawng tawh Cannavaro chuan, "Natio-nal team coach nih hi ka duh a, hna hautak a ni tih chu ka hria. Mahse Italy tan hian kum 15 chhung ngawt ka theihna ka lo hman tawh avangin tawnhriat ka ngah tawk tawh a ni," tiin a inringtawk hle.

A vanglaia center back ṭha berte zinga mi Cannavaro hi Napoli, Parma, Juventus, Inter Milan leh Real Madrid tan te pawh a lo khel tawh ṭhin a ni.