Leicester-in Barca hmachhawn dawn

Football club-te'n season thar inpuahchah nan friendly match an khel ṭhin. Rin loh taka Premier League hmahruaitu Leicester City-in tun season ṭan hmaa an hmachhawn chu Lincoln, Mansfield leh Burton te a ni a, season tharah erawh Barcelona, Paris St Ger-main leh Celtic te an hmachhawn ang.

Foxes hi an result a ṭhat avangin International Champions Cup-a tel tura sawm an ni a, he inelna hi season ṭan hmain khawvel hmun hrang hrangah neih a ni a, club ṭha fuankhawmna a ni.

China lamah Manchester Derby hmuh tur a awm dawn a, United leh City hian Borussia Dortmund an hmachhawn bawk ang. Juventus, Tot-tenham Hotspurs leh Atletico Madrid ten Australia an tlawh dawn a, North America tlawh tur zingah Barcelona, Real Madrid, Bayern Munich, Milan, PSG, Liverpool, Chelsea leh Leicester te an awm bawk.