West Ham leh Man Utd replay hun a hriat

FA Cup quarterfinal replay chu April 13 khian khelh a ni dawn a, West Ham chuan Manchester United an lo mikhual ve thung dawn a ni.

Team pahnihte hi Old Trafford-ah an lo inkhel tawh a, Hammers tan Dimitri Payet-a goal khung chu hun tawp dawnah Anthony Martial-a'n a sut hram a, replay khelh a ngaih phah. A chak zawk hian semifinal-ah Everton an hmachhawn zui ang.

Crystal Palace leh Watford te chu final luh inchuhin an inhmachhawn dawn bawk a, semifinal hi April 23 leh 24 khian Wem-bley-ah khelh a ni dawn.

West Ham hian season thar aṭang chuan stadium thar an nei tawh dawn a, tum ṭum hi an khelmual Upton Park-a FA Cup an khelh hnuhnung ber tur a ni tawh dawn. Hei mai bakah hian tun sea-son Premier League-a an match hnuhnung ber dawtah Man United hi an hmachhawn dawn bawk a, hei hi an khelmual hman lai bika an league match hnuhnung ber a ni dawn bawk a ni.

Slaven Bilic a naute hian FA Cup-a Man United an hmachhawn hnu nithum lekah league match-ah Arsenal an mikhual zui dawn bawk avangin an tan replay khelh a ngai hi chanchin ṭha a ni lo a, an khingpui tur Man United pawhin Tottenham khelmual an pan zui nghal a ngaih dawn avangin phurrit a tling ang.