Allen-a'n Wales player-te a fuih

Liverpool midfielder Joe Allen chuan zanin dar 1:15-a Northern Ireland nen friendly match an khelh hunah a player puite chu theihtawp chhuah turin a fuih a, Euro 2016-a khelh an phu zia fan-te hmuhtir turin a fuih.

Wales hian zanina Northern Ireland an hma-chhawn bakah March 28 khian Ukraine chu khualmualah friendly match an khelhpui leh dawn a, heng inkhel pahnihah hian an player pawimawh Gareth Bale chu a hliam vanga chawlh hahdamtir niin a inlan ve dawn lo.

Allen chuan, "France-a inkhelh hun nghah kher a ngai lo a, tun aṭang hian Euro 2016 khelh kan phu zia chu kan tarlang tur a ni. Team ṭha tak pahnih kan hmachhawn dawn a, player-te hian Euro-a inlan an phu tih tihlan nan theihtawp an chhuah a ngai a ni," a ti.

Kum 1958 hnua inelna lian thama inlan leh tur Wales tan Arsenal midfielder Aaron Ramsey leh West Ham defender James Collins-te chu friendly match-ah hian hliam vangin an inlan thei dawn lo bawk.