Ozil leh Sanchez bula training a hlawk - Iwobi

Arsenal winger Alex Iwobi chuan star player Alexis Sanchez leh Mesut Ozil te bula training neih ve chu a hlawk-thlak hlea a hriat thu a sawi.

Nigerian international hi kar hmasa khan Champions League-a Barcelona an hneh loh ṭumin a inlan a, kartawp khan a club tana Premier League-a inkhel bul a ṭan hmasak ber ṭum tawngin Everton lakah goal a khung a, Gunners hi 2-0 in hnehna a chanpui nghe nghe.

Kum 19-a upa Iwobi chuan, "Inkhelh tam zawk duh vangin Arsenal hi loan-in chhuahsan ta ila hlawkna tam tak a awm ang. Mahse, nitin mai world-class player-te zinga training neih hi ka tan chuan a hlawk zawk ang. A bik takin Ozil leh Sanchez te lak aṭang hian thil tam tak zir tur a awm a ni," tiin a sawi.

Manager Arsene Wenger en-kawlna hnuaia intuaihriam mek Iwobi hian tun season-ah North London club tan hian inelna hrang hrangah match 14 a khel ve tawh a ni.