Schweinsteiger vanga buai lo Germany coach

Germany coach Joa-chim Low chuan tun hnaia hliam vanga talbuai Bastian Schweinsteiger chungchangah a buai loh thu a sawi a, a captain fit-ness chu inngaihtuah buai-na tur a nih loh thu a sawi.

Kum 31-a upa Man-chester United midfielder hi Sheffield United nen January 9-a FA Cup-a an inhmachhawn ṭumin a inhliam a, a hliam vang hian thla hnih chhung inkhel loin a awm. A hliam a dam hnuah Ger-man midfielder hian ngai a awh leh lo nia ngaitu an tam hle.

Mahse, Germany coach Low chuan a player chu a rin tlat thu sawiin, "Bastian hi 100% in a fit lo tih ka pawm a, mahse hei hi chu hliam dam tirh chuan dan pangngai ve reng a ni. Euro 2016 hmain hun tam tak a la awm a ni," tiin a captain chuan ngai a awh leh thuai tur tur thu a sawi.

Kum 2014 World Cup-a Germany cham-pion puitu Low chuan, "Kum 2014 World Cup-ah pawh khan Bastian hian a tirah fit lo chungin team a zawm a, mahse kan mamawh hunah tak ṭha takin a khel chhuak thei. A taksa dinhmun chu aman a hre chiang ber a, a tih tur a hria a ni," a ti.

Tun hnaiah Schwein-steiger hi Euro 2016 zawhah ram tana inkhelh chawlhsan tur anga sawi thuthang a tam hle a, Low chuan engmah a hriat ve loh thu a sawi thung.

German manager chuan, "Schweinsteiger nen hian Euro 2016 zawh--ah a chawl dawn tih lam engmah kan sawi lo. Tournament hma hauha hetiang lo sawi hi ṭha ka ti lo a, chu chu tuna kan buaina a ni lo bawk," a ti.

Inrinni zanah Ger-many hian England an mikhual dawn a, March 29 zanah Italy chu friendly match khel turin an mikhual bawk ang.