MPL club an intluktawk

Zote Toyota MPL10 round 8 aṭanga chiang taka lang chu MPL club pariatte an intluktawk. Match li khelhah Chhinga Veng chiah an chak a, Lalsangzuala Hmar hote hian 2-1 in Kolasib Project an hneh hram. Chhingcows tana goal khungtu PC Lalawmkima leh Lallawmsanga ten tun season-a an goal hmasa ber an khung ve ve.

Inkhel dang pathumah goal hmuh tur a awm lo a, an inhnehtawk vek. Table hnuai lama awm Electric Veng FC leh FC Venghnuai an inhnehtawk a, point hmu tlem zawk Venghnuai an khel ṭha zawk. Chanmari leh Mizoram Police inkhelah erawh table chung bera awm K. Malsawmkima hote an khel ṭha hret. Round 8 khelh zawhah semifinal luh tuma inum boruak a nung thar hle.