Italy beiseina a thi lo

European champion lai Italy-in an nomawi humhim tura Euro 2024 khelh an tumna kawngah result lawmawm an hlawh chhuak a, an mikhual North Macedonia chu Zirtawpni zan khan 5-2 in an sawp.

Italy hian zanin dar 1:15-ah Ukraine an lenchilh zui dawn a, point an hlawhchhuah chuan group C hmahruaitu England hnung zuiin Euro 2024 khel turin an inpetkai ang.

Azzurri tan Federico Chiesa chuan goal hnih khungin Matteo Darmian, Giacomo Raspadori leh Stephan El Shaarawy ten goal khat ṭheuh an khung bawk a, Arsenal midfielder Jorginho chuan penalty a hlah thung!

Mikhual team North Macedonia tan Jani Atanasov chuan goal hnih khung ve bawk mah se awmzia a nei phak lo a, mualpho zualpui khuhna chauh a ni.