Mizoram pool ranking an zo

Mizoram Snooker and Billiards Association (MSBA) buatsaih Mizoram Pool Ranking 2023; 9 ball leh 10 ball chu Inrinni zan khan MSBA Hall, Hawla Indoor Stadium, Republic Vengthlangah a hmawr bawk a ni.

Pool 9 Ball huangtah hian Lalrina Renthlei, Tuikhuahtlang chu champion a, pahnihna chu T. Lalṭanpuia, Upper Republic a ni thung. K. Lallawmkima, Khatla South leh Zonuntluanga (Tekawka) Electric Veng ten semifinal an thleng ve bawk.

Pool 10 Ball-ah pawh Lalrina Renthlei bawk chungnung lehin, pahnihna chu PB Liansangzuala, Dawrpui a ni thung. Semifinal-ah R. Lalṭhazuala, Chatlang leh Zonuntluanga (Tekawka) te zinkawng a tawp.

Mizoram Pool Ranking 2023-ah hian player 44 an tel a, double elimination hmanga khelh a ni.