Alcaraz tawpna semifinal

Carlos Alcaraz tan hlawhtlinna ṭha zawng zawng neih nghal vek theih a la ni bik lo - Spanish tlangval hian ATP Finals a khelh hmasak berah semifinal lut phak mah se final erawh a thleng phak ta lo.

Wimbledon champion Alcaraz hian Novak Djokovic chu 6-3, 6-2 in a hneh lo a, semifinal inkhel dangah Jannik Sinner chu Daniil Medvedev chu 6-3, 6-7 (4-7), 6-1 a hnehin final a inhlangkai ve bawk.

Turin, Italy-a inelna neih hi nizan khan a hmawr bawk nghal niin, world number 1 Djokovic leh Sinner te an intawng a, chanchinbu buatsaih lai hian result kan hre hman lo a ni. Italian player zingah Sinner hi ATP Finals bika semifinal leh final thleng thei hmasa ber a ni a, a chak lo a nih pawhin an ram tan mellung pawimawh a ni tho ang.

Kum 20 mi Alcaraz hian theihna sang tak a nei a, inelna lian US Open leh Wimbledon nomawi hial pawh chawi tawhin, world ranking lamah pawh Djokovic nek buai phak ber a ni mek - mahse ṭha pangngai taka khelh tluan a harsat.

Tun season kal laiah chu Djokovic-a'n number 1 ni chungin a hmang tluan dawn tih a chiang tawh, season tharah pawh Djokovic leh Alcaraz te bawk hi an inel leh dawn niin a lang, kum 36 a tlin hnuah pawh Novak a tlo hle.