Badminton team feh chhuak

November 21 aṭanga neih ṭan tur Under 13 National Badminton Championship-a tel turin Mizoram team-te chuan nimin khan Lengpui an chhuahsan a, inelna neihna hmun tur Balangir, Odisha an pan.

Inelna hi November 24 thleng neih tur niin, Mizoram aiawh hian player pasarih bakah coach leh manager pakhat ve ve an kal a, Mizoram Badminton Association chuan, "Mizoram team-te duhsakna sang ber kan hlan a ni," tiin hlawhtlinna nena lo haw turin U13 team an thlah.