Serchhipah Inter Branch YMA Boxing

Serchhip Sub-Hqrs YMA leh Serchhip District Boxing Association (SEDBA) chuan November 18, Inrinni aṭang khan Inter Branch YMA Boxing Championship 2023 buatsaih turin thutlukna an siam. Inelna hi Serchhip Boxing Hall-ah December 6-8, 2023-ah neih tura ruahman a ni.

Boxing C'ship-ah hian boxing khel ṭhin te leh khel ngai miah lote thliar hran an ni dawn a, mipa leh hmeichhe inelna a awm bawk ang. December 6, Nilaini zing dar 7:00-9:00-ah inbuk a ni dawn a, gold leh silver medal chin tan lawmman siam a ni dawn.

Khualkhua aṭanga boxer kal tur, thlenna nei lo tan phone number 9436596533-ah inhriattir tur a ni. Sub-Hqrs. YMA chuan an hnuaia Branch hrang hrangte chu member a tam thei ang ber teltir turin a sawm a ni.