President's Cup Vawiinah quarterfinal pathum

Cricket Association of Mizoram (CAM) hnuaia inelna President's Cup 2023 chu vawiin hian quarterfinal match pathum khelh a ni dawn. Suaka Cricket Stadium, Sihhmuiah inkhel pathum a awm dawn tihna a ni.

Ruahmanna hmasaah chuan kar hmasa khan quarterfinal hi khelh zawh tur a ni. Mahse, khuain a bumro avangin an khel thei lo. Match hmasa berah Chhinga Veng chuan Zemabawk Pitchers am hneh a, match dang khelh hman a ni lo.

CAM chuan ruahmanna hmasa thlakin inkhelh hun hi a ti danglam, vawiina quarterfinal khelh zawh a nih bakah semifinal (November 21) leh final (November 22) te pawh a ni zawna khelh chhunzawm nghal a ni ang.

Heng hun ruatah te hian khelh zawh theih loh khawpa khawchhia avanga harsatna a lo thleng a nih pawhin, BCCI T/20 inkaihhruai dan angin ṭhum vawr hmanga thutlukna siam a ni dawn.

Quarterfinal Fixtures

Ṭhuampui Chinari vs Chanmarians

Gladiators vs Venghnuai Raiders

Kulikawn vs Zarkawt Lords