India tan Chhetri Inlan tawh dawn

March 29, zan dar 6:00-ah India-in Turk-menistan nen World Cup qualifier match an khel dawn a, Iran an hmachhawn ṭuma inlan thei lo captain Sunil Chhetri a inlan thei tawh dawn.

Bengaluru striker hi ṭhal liam vangin kar khat chhung a chawl a, tunah chuan India team training zawm ve leh tawhin Mizo tlangval Jeje Lalpekhlua hnen aṭangin captain armband a la chhawng tawh ang.

India tan Chhetri a lo kir rualin Bikash Jairu erawh Iran an hma-chhawn ṭuma a inhliam avangin a inlan thei dawn lo a, East Ben-gal winger aiah hian club tana a khelhpui tho Mohammed Rafique chu koh a ni.

Stephen Constantine-a kaihhruai India hian World Cup qualifier-a match sarih inkhel an hmachhawn tawhah point thum chiah an la hlawh chhuak a, Asian Cup 2019 khelh an beiseina chhi nung turin Turkmenistan lakah chak loh a thiang lo.