Jack Butland-a hliam enfiah dawn

Berlin khawpuia England-in 3-2 a Ger-many an hneh ṭuma in-hliam goalkeeper Jack But-land-a hliam chu enfiah a nih tur thu puan a ni a, a hliam hi eng anga na nge a nih chiah hriat a la ni lo.

Kum 23-a upa Stoke City keeper chungchang hi sawiin England manager Roy Hodgson chuan, "Butland-a hliam hi eng ang chiaha na nge a nih kan la hre thei lo a, enfiah phawt a ni ang. Hliam na tak a nih loh hram kan beisei a, kan tih theih chhun chu nghah chauh a ni," a ti.

England tana vawi li inlan tawh keeper hian Joe Hart inhliam vangin inkhel bul a ṭan a, hliam vanga zawn chhuah a ngai leh ta si a ni.