Vawiin aṭangin Pro Volleyball Playoff Final round ṭan dawn

Mizorama Volleyball Association leh LPS ṭang-kawpin an buatsaih Pro Volleyball League khel tur a hriat kim dawn hnai a, vawiin hian Tuikual In-door Stadium-ah Playoff Final round khelh tur a ni ang.

Pro Volleyball League khel tur hian MVA first division zinga a sang pathum Hunthar VC, TNT VC leh 3rd Battalion VC te chu an tling nghal a, a bak hmun ruak pathum la awm chu playoff hmanga hnawhkhah tur a ruahman niin vawiin hian humruak pathum luah tur a chiang dawn.

Inrinni khan playoff second round khelh zawh a ni a, pool pahniha team paruk ten match hnih ṭheuh an khelh kual hnuah Pool A aṭangin a sang pahnih Hmingi VC leh Ta-chhip ten final round an lut a, Pool B aṭangin Chan-mari West SC leh Anastasia VC te an tling bawk.

Playoff final round hi chawhma dar 10:00 aṭangin khelh ṭan tur a ni a, inkhel hmasa ber leh pahnihna a hnehna changtute bakah a chak lo zawk team pahnih inkhela hnehna chang thei zawk te chu Pro Volleyball League khel turin an tling dawn a ni.

Vawiin Inkhel Tur

1st Match : Hmingi VC Vs Anastasia VC

2nd Match : Chanmari West SC Vs Tachhip VC

3rd Match : Loser of 1st Match Vs Loser of 2nd Match

Inrinni Inkhel Results

Hmingi VC 2 - 0 Alex VC

(25-15, 25-11)

Tachhip VC 2 - 1 Alex VC

(25-15, 25-20, 15-10)

Chanmari West SC 2 - 1 Anastasia VC

(19-25, 28-26, 15-11)

Chanmari West SC 2 - 0 Dinthar VC

(25-15, 25-15)

Anasatasia VC 2 - 0 Dinthar VC

(25-14, 25-16)