Taekwondo-ah Black Belt 30 awm thar

Inrinni khan Mizoram Amateur Taekwondo Association (MATA) chuan I&PR Auditorium-ah World Taekwondo Federation (WTF) Black Belt chu mi 30 hnenah a hlan.

Black Belt hlan tharte hi kum 2014 November thlaa Aizawla exam beitute kha an ni a. Mi 30-in pass-in, chung zinga mi 21-ten 1stDan, mi 7-ten 2nd Dan leh mi 2-ten 3rd Dan an tling. Mizoram hi kum 2008 aṭang khan North East Black belt exam centre pakhat atan ruat a ni a. Aizawlah hian Black Belt exam ṭum li buatsaih a ni tawh bawk.

MATA hnuaiah hian Belt hlan thar takte nen tun dinhmunah mi 187 in Black Belt an pass chhuak tawh a, an zingah hian hmeichhia 50 an tel. Black Belt pass hmasa ber chu VL Rawna (L) niin kum 1987 khan a pass. Mizo zinga Black belt pass thei naupang ber chu Simon Lal-rinchhana niin kum 9 a nihin a pass a ni.