Champions League khelh duh Lukaku

Romelu Lukaku chuan season thara Europe-a football inelna sang ber Champions League khelh a duh thu a sawi.

Everton striker Luka-ku pa chuan a fapa hian sea-son tawpah chuan Man United emaw Bayern Mu-nich emaw zawm se a duh thu a lo sawi ve bawk.

Tun season-ah Luka-ku hian Everton tan inelna hrang hrangah goal 25 khung tawhin striker en hlawh ber pawl a ni mek a, mahse Toffees hi Premier League table-ah 12-na dinhmun an luah mek a, palina Manchester City chu point 13 zetin an phak lo mek a ni.

Belgium international chuan, "Ka pa chuan Man United leh Bayern hi a club ngaihsan a niin zawm tur pawhin min duh a, a ngaihdan hi a ṭhain hriat pawh a nuam. Mahse, ka ngaih-dan ni loin ka pa ngaih-dan chauh a ni," tiin a sawi.

Lukaku chuan sawi chhunzawmin, "Nipuiah chuan kum 23 ka tling tawh dawn a, Champions Legue khelh a chakawmin a hun tawh hle," a ti.

Tunhnaiah Chelsea chuan Lukaku hi Stam-ford Bridge-ah seng luh leh an duh nia sawi a ni a, mahse kum 2014-a pound maktaduai 28-a hralhtu Blues hian a lung an len tawh loh thu Lukaku chuan a sawi tel thung.