A zawnin Bengaluru Raptors an champion

Bengaluru Raptors chuan North Eastern Warriors 4-2 a hnehin Premier Badminton League champion an ni a, badminton inelna zinga sumfai tamna berah hian a kum zawna champion thei hmasa ber an ni nghal bawk.

Pathianni zan khan Gachibowli Indoor Stadium-ah a hmawrbawkna neih a ni. World Championships bronze medallist B Sai Praneeth leh world number 2 Tai Tzu Ying te chuan singles huangah hnehna changin Bengaluru Raptors chu hma an hruaipui.

A vawi khat nana final kheltu North Eastern Warriors lamin mixed doubles pair Chan Peng Soon leh Eom Hye Won te hmanga chhangletin beiseina an insiam. Mahse tawnhriat nei ṭha Bengaluru lamin match hnuhnung pahnihah hnehna changin a chungnung.

PBL hi season nga kalpui a ni tawh a, khawvel huapa sum tamna ni mah se Badmionton World Federation hnuaia inelna a nih loh avangin world ranking point a awm lo, kumin pawh Olympic khelh duh player ṭhenkhat chu an ranking siam duh vangin PBL aiin inelna dangah an inlan nasa.