Hernan Crespo an ban

Argentina striker hlui Hernan Crespo chu Serie B club Modena head coach a nihna aṭangin ban a ni.

Crespo hian nikum June thla khan Modena-ah hian a vawi khat nan coaching hna a thawk ṭan a, tun season-ah beisei angin a club hi a chet ṭhat pui thei lo. Parma, Inter Milan leh Chelsea star hlui hian league match 33 a kaihhruai aṭangin vawi 10 hnehna changin vawi 18 zet a tlawm pui a, point 35 hmuin table-ah 18-na dinhmun an luah mek a, an hnuaiah club pali chiah an awm.

Thuchhuah siamin Modena chuan, "Modena FC chuan Hernan Crespo chu a hna chelh lai
aṭangin kan ban a, club tana a hnathawh tawhah lawmthu kan sawi a, a kal zelna turah duhsakna kan hlan e," tiin a sawi.

Kum 40-a upa Crespo hian season ṭan dawn khan kum khat chhung atan contract a ziak a, kum hnih dang pawh sei theih tura tih a ni. Mahse kum khat pawh hun a hmang zo dawn ta lo a ni.