Portugal captain Ronaldo-a'n penalty a hlah

Zirtawpni khan Leiria-ah Portugal-in Euro 2016 khel pha lo Bulgaria an mikhual a, first half-a Marcelinho goal vangin mualneitu an chak lo.

Friendly match-ah hian Cris-tiano Ronaldo chuan penalty a hlah a, Bulgaria kee-per Vladislav Stoyanov-a'n Por-tuguese tlarhmate goal khung tur ṭhahnem tak a dang bawk.

Portugal manager Fernan-do Santos erawhin an captain hi a chhan thiam hle, inkhelh banah, "Ronaldo hi khawi club-ah pawh khel se season khata ram leh club tan season khata a goal khung zat hi 40 aṭanga 50 a ni. Bulgaria lakah goal khung a khung loh chhan chu Euro 2016 atana a inkhek vang a ni," tiin a sawi.

France an chak

Amsterdam-ah France-in Antoine Griezmann hmangin minute rukna lekah hma an hruai a, Olivier Giroud-a'n minute 13-naah goal hnihna khung. Holland-in second half ṭantirha Luuk de Jong-a goal leh hun tawp dawna substitute Ibrahim Afellay hmangin an sut.

Euro 2016 khel pha lo Holland-in inelna thlengtu tur France an draw mai tawh dawn emaw tih hnuah minute 88-naah Blaise Matuidi-a'n chakna goal a khung.

France tan hian West Ham chhuanvawr Dimitri Payet a khel ṭha a, Leicester City midfielder N'Golo Kante-a'n ram tan a vawi khat nan a inlan bawk.