MCL 4th Edition Chhinga Veng hmachhawn tur Chanmarians

Mapuia Cricket League 4th Edition-ah Chhinga Veng CC-in Chanmarians hnehnin final an lut a, Chanmarians-in phuba lakna hunṭha insiamin Inrinni khan Chaltlang SC hnehin final an lut ve bawk. Vawiin hian Suaka Memorial Cricket Ground-ah final hi khelh a ni ang.

Chaltlang SC-in Eliminator Round-ah Armed Veng an hneh hnuin Qualifier 2-ah Chanmarians an hmachhawn. Chaltlang-in bat hmasain run 74 an siam hman chauh tihin an out fai vek. Chanmarians-in an target hi awlsam takin an khum a, wicket sarihin hnehna an chang a ni.