Football ngaipawimawhtu Modi

India prime minister Narendra Modi chuan India chuan tun aia football an ngaih thutak zawk a pawimawh thu a sawi a, FIFA ranking-a India dinhmun 160 chu a hniam takzet thu a sawi.

Modi chuan, "India hi tun hma chuan football ram ropui tak kan ni ṭhin a, mahse tunah chuan chu chu sawi chi pawh a ni tawh lo. Kan ranking-te hi a hniam em em a ni," tiin football-a India hnufual lutuk chu a ngaihmawh thu a sawi.

Thla tina radio programme ama puala tihchhuah ṭhin 'Mann ki Baat'-ah Modi chuan football chungchang hi sawiin, "Kum 2017-ah under-17 FIFA World Cup kan thleng dawn a, hei hi kum naupang zawkte football-a an tui theihna tura hmalakna remchangah kan hmang tur a ni. FIFA Under-17 World Cup hi football khawvela India kan pholanna remchang a ni dawn a ni," tiin India mipuite chu an hun ṭha neih chhawr
ṭangkai thiam turin a ti.

Modi chuan sawi chhun-zawmin, "Kan ṭhalaiten Eng-lish Premier League an en nasat thu ka hria a, India rama khaw tinah football hi FIFA Under-17 World Cup hmangin kan hmelhriat tir tur a ni. 2017 FIFA Under- 17 World Cup ambassador ni turin ṭhalai zawng zawngte ka sawm a ni," tiin Indian tam zawkin football khel se a duh thu a sawi.