Angelique a vannei

Australian Open cham-pion lai Angelique Kerber chuan Pathianni khan world number 108 Kiki Bertens hnehin WTA Miami Open third round a paltlang.

Seeded pahnihna Kerber hian 1-6, 6-2, 3-0 in hnehna a chang a, Dutch qualifier Bertens hi set thumna an khelh lai hian dam lohna avangin a inkhel chhunzawm thei lo a ni.

German nula Austra-lian Open final-a world number 1 Serena Williams hnehtu hian fourth round-ah chuan world number 49 Timea Babos a hmachhawn leh ang.

Kum 28-a upa Kerber hian January thlaa Mel-bourne-a hlawhtlin-na a chan kha kum 1999 a Steffi Graf-i'n Wimbledon title a lak hnua German hmei-chhe zinga major tour-nament a champion leh hmasa ber a ni a, mahse beisei angin a hnuah a khel ṭha chhunzawm rih lo. Doha leh Indian Wells-ah te a match hmasa berah a chak lo nghal a, tun
ṭumah hian beiseina a nei sang hle.

Hnehna changtu Kerber chuan,"Set hmasa berah khan ka buai hle a, game khat chauh ka la thei hial reng a ni. Mahse, set hnihnaah erawh ka ziaawm deuh. Fourth round ka luh theih avangin ka lawm rualin Bertens ka tawrhpui a, dam leh thuai turin duhsakna ka hlan," tiin a sawi.