MVA Cup 2023 awm dawn

Mizoram Volleyball Association (MVA) buatsaihin Pro-Division Club te'n MVA Cup 2023 an khel dawn. Inelna hi November 27, Thawhṭanni aṭangin Aizawl West Jt. YMA Hall-ah khelh tur a ni ang.

MVA CUP 2023-ah hian Pro-Division club (mipa) - TNT, Hunthar, Durtlang North, Tuichangral, Chhinga Veng Spikers leh Hlimen Volleyball Club-te an te tel kim vek tura ngaih a ni. Hmeichhe lamah Luangmual, Durtlang, Bungkawn, Lunglei Serkawn leh Kolasib Diakkawn te an inlan thung ang.

Club tinte ngawrh takin an inbuatsaih vek. MVA Cup-ah hian Re-Inforce player lak phal a nih loh avangin Mizo hlangin club tin an inkhel dawn a ni.

Mipa champion lai Hunthar Volleyball Club-in an nomawi humhim tumin theihtawpin an inbuatsaih a, chutihlaiin tun season-a player ṭha kawl hnem Tuichangral Volleyball Club leh Pro Volleyball League 2023 Champion TNT te'n champion an tum ruh hle bawk.

Hmeichhiaah MVA Cup Champion lai Kanan Vengin harsatna eng emaw avanga Pro-Division aṭanga an inhnuhdawh laiin Pro Division club thar pahnih Serkawn Volleyball Club, Lunglei leh Diakkawn Volleyball Club, Kolasib ten Pro League 2023 Champion lai Luangmual VC te hneh a Champion tumin theihtawpin an inbuatsaih a ni.