Chawnpuiin Venghnuai an chelh

Zote Toyota MPL10-ah Chawnpui FC-in hmahruai theihna hun ṭha an bawhpelh nawn a, Lalrindika Hmar hote hi nimin khan FC Venghnuai nen 1-1 in an inhnehtawk. MPL champion lai Chawnpui hi a draw-tu zawk an ni.

1st Bn MAP Ground-a inkhelah Chawnpui defender Lalhamngaihsanga'n minute thumna lekah Venghnuai winger khel ṭha Vanlalhruaia cross chu an lamah a tilut a, substitute David Lalchhuanawma hmangin minute 68-naah Chawnpuiin si phurh an sut.

First half-ah Venghnuai an khel ṭha zawk a, Electric Veng nen an inkhelh ṭuma bench-a ṭhu tluan Mahruaia a rawn che ṭha hle. Second half-ah Chawnpuiin David-a leh David Lalthansanga (Avida) te an luhtir a, coach Rindika'n subsitution a siam ṭha hle.

Joseph Lalmuanawma freekick pet chu Salem Veng tlangval David-a'n ṭha zetin a tauh goal a, Chawnpui hian hemi hnu hian penalty hmuah inngai mah se referee-in assistant referee a rawn hnuin thutlukna hi a sut.