Euro qualifier-ah Portugal an chak vek!

Portugal chuan Pathianni zan khan 2-0 in Iceland an hneh a, Euro 2024 qualifier-a match 10 an khelhah hnehna an chang vek - group J-ah chiang taka hmahruaitu ni chungin Euro 2024 an khel dawn a, an group-a pahnihna Slovakia aiin point riat ngawtin an sang zawk!

Manchester United captain Bruno Fernandes chuan Portugal tan goal hmahruai khungin, Ricardo Horta chuan goal khat dang a thawh ve bawk - Cristiano Ronaldo inlan mah se a goal khung loh zan a ni a, Horta goal khung erawh a thawhchhuah tho a ni.

Portugal hian January 2023-ah Roberto Martinez chu coach atan ruaiin, Belgium boss hlui kaihhruaina hnuaia an match zawng zawngah an la chak vek a, inringtawk tak chungin nakkumah Germany an pan thei dawn.

France chuan zanin dar 1:15 hian khualmualah Greece an lenchilh dawn a, hnehna an chang a nih chuan Portugal tih loha qualifier-a hnehna chang vek chunga Euro khel tura inpetkai thei an ni ang.