Pro Volleyball League khel tur hriat ta

29th March, 2016

Mizoram Volleyball Association leh LPS buatsaih Pro Volleyball League chu May thla khian khelh tur a ni a, he huna inlan tur team paruk a hriat kim ta.

Nimin khan Tuikual Indoor Stadium-ah Playoff final round khelh zawh niin Chanmari West SC, Anastasia VC leh Hmingi Volleyball club te chu an inhlangkai a, anni pathum bakah hian MVA first division zinga a sang pathum Hunthar VC, TNT VC leh 3rd Battalion VC te chu an tling sa bawk a ni.

Playoff final round inkhel hmasa berah Anastasia VC, Electric chuan Hmingi VC chu 2-1 (22-25, 25-18, 25-11) in an hneha, inkhel ṭum hnihnaah Chan-mari West in 2-1 (25-18, 20-25, 15-11) in Tachhip VC an hneh ve bawk a, a chak team pahnih hi an tling nghal.

Inkhel hmasa pahniha a chak lo zawk team pahnihte hian hmun ruak pakhat la awm an inchuh ve leh a, Hmingi VC chu a vannei zawkah ṭangin Tachhip lakah (25-17, 25-15) in hnehna an chang ve leh a ni.