Chawlh ka la ngaihtuah lo - Neuer

Manuel Neuer chuan Pathianni khan kum 30 a tling ve ta a, Bayern Munich goalkeeper hian inkhelh chawlhsan tumna a la neih loh thu a sawi.

Bayern Munich leh Germany goalkeeper hi tun dinhmunah chuan khawvela shot-stopper ṭha ber ang hiala ngaih a ni a, Bundesliga title pathum bakah Champions League nomawi a chawi tawh a, 2014 FIFA World Cup-ah khan best goalkeeper a thlan a ni bawk.

Schalke tan pawha lo khel tawh Neuer chuan, "Kum 30 tlin tawh chuan hmelah la lang upa vak lo mah ila tawnhriat tam tak kan lo nei tawh a, mahse chawlh lampang erawh ka rilruah a la awm lo," tiin a sawi.

Neuer chuan hma hun thir chhun-zawmin, "Ka taksa a la fit ṭha a, tunlai player-te hi chu hlawhtlinna chan duhin kan tuihal vek avangin nomawi chawitu nih a harsa tawh hle. Tuna Germany hmabak lian ber chu European Championship-a pakhatna nih a ni," a ti.