Mumang rama cheng mek Luis Suarez

Luis Suarez chuan Bar-celona tana khelh chu a duhthusam ni ṭhin mah se tun ang taka ṭhaa a khelh chhuah theih a beisei ngam ngai loh thu a sawi.

Uruguay striker hian kum 2014 khan Liverpool aṭangin Camp Nou hi a pan a, season hmasa khan Lionel Messi leh Neymar te nen Catalan club hmatawngah intlarin treble champion an ni nghe nghe.

Suarez hian tun season-ah a club tan inelna hrang hrangah goal 43 khung leh tawhin Barca chu Champions League, La Liga leh Copa del Rey nomawi chawi thei dinhmunah a dah mek bawk.

Kum 29-a upa Suarez chuan, "Barcelona tana khelh ve hi ka duhthusam a ni ṭhin a, mahse number 9 ha tur leh tun ang dinhmun tawng tur em hi chuan ka beisei phak ngai lo," tiin a sawi.

Mimal aia team a ngaih-pawimawh zawk thu sawiin Suarez chuan, "Tunge goal khung tih ai chuan team pumpui kan khel ṭha em tih hi a pawimawh lai chu a ni. Messi leh Neymar te nen hian kan induhsak tlang em em a, kan tum a thuhmun a chu chu goal khung a ni. A pumpui khaikhawm nana pawimawh ber erawh kan team-in hnehna kan chang em tih a ni zawk," tiin a sawi bawk.