Olympic thlirtu BAI president Das Gupta

Badminton Association of India (BAI) president Akhilesh Das Gupta chuan August thlaa neih tur Rio Olympic thlirlawkin India chuan badmintion inelnaah medal pahnih tal lak a beisei ngam thu a sawi.

Das Gupta chuan, "2012 London Olympic-ah khan medal pakhat chauh kan la a, a lawmawm rualin hmasawnna tur a la awm. Rio-ah erawh pahnih tal kan beisei ngam tawh tur a ni," a ti.

Tun dinhmunah Indian shuttler zingah world number 1 hlui Saina Nehwal hi world number 6 a ni mek a, kum 20-a upa P. V. Sindhu pawh world number 11 a ni mek bawk.

Hmeichhe shuttler lakah beiseina a neih san thu sawi chhunzawmin, "Saina leh Sindhu te hi an fit a nih phawt chuan khawvela ṭha berte zinga mi an ni a, anni hian India Super Series leh Rio Olympic-ah ṭha takin an khelh chhuah theih ngei ka beisei," tiin a sawi.

Saina hian 2012 London-ah khan Bronze medal a lo la tawh a, India infiammi zinga badminton inelnaa Olympic-a medal la hmasa ber a ni. Mahse tunlai hian a khel ṭha hran lo a, All England cham-pionship semifinal-ah leh Swiss Open-ah te champion nomawi a chawi zo lo a ni.