Uganda goalkeeper Dhaira a thi

Icelandic Premier League club IBV Vestmannaeyjar tana khel goalkeeper Abel Dhaira chu kum 28-a upa niin cancer natan avangin Pathianni khan a thi.

Federation of Uganda Football Associations (Fufa) Dr. Bernard Ogwel chuan Dhaira thih thu hi puangin, "Dhaira kan channa hi a chhungte mai bakah Uganda ram pumpui tan a lungchhiatthlak a, channa nasa tak a ni," a ti.

Kum 2009-a Uganda tana a match hmasa ber kheltu goalkeeper hian ram tan match 13 a khel hman a, kum 2012 khan an ram hi Council for East and Central African Football Associations Senior Challenge Cup-ah a champion pui.

Dhaira hi January 2016 khan a natnain zual lam a pan a, IBV Vestmannaeyjar coach Bjarni Johannsson chuan an player dam lehna tur a nih chuan club-in theihtawp a chhuah tur thu sawi mah se an keeper hi an chelh thei ta bik lo a ni.