Messi-a jersey an lilam dawn

Argentina captain Lionel Messi-a'n Qatar World Cup laia a jersey hak parukte chu lilam a ni dawn a, jersey lilam tur zingah hian final-a France an hneh ṭuma a hak pawh kha a tel - pound maktaduai riat aia sanga an hralh theih a rinawm.

Kum 36 mi Messi hian nikum December thla khan an ram chu world champion a nih pui, a jersey hakte hi New York-ah lilam tur niin a lilam turte chuan khawvela thil hlu leh mite ngaihven bik a nih thu an sawi.

Football player zingah chuan Diego Maradona-a jersey an hralhna man a tam ber. Argentina legend hi 'Hand of God' a neih ṭuma a jersey kha kum 2022 khan pound maktaduai 7.1 ngawta hralh a ni a, a record hi Messi-a jersey chuan a khum an ring.

Ballon d'Or vawi riat dawng tawh Messi hian Qatar World Cup-ah khan group stage, last 16, quarterfinal, semifinal leh final-ah goal a khung vek! Football inelna ropui berah hetiang tithei hmasa leh awmchhun a la ni.