SKY hoin India-in Aussies hmachhawn dawn

BCCI chuan T20 series match nga khelh tura India squad a puang a, Suryakumar Yadav-a'n captain hna a chelh ang. Match hmasa pathuamah Ruturaj Gaikwad-a'n vice captain hna a chelh ang a, match lina aṭangin Shreyas Iyer a tel ang a, match hnuhnung pahnihah vice captain a ni nghal bawk

India hian November 23, Ningani zan dar 7:00 aṭangin Visakhapatnam-ah Australia nen T20 match an khel ṭan dawn a, Aussies hi ODI World Cup champion lai ni ringawt ni loin T20 World Cup champion lai an ni tel.

ODI World Cup-a India team aṭangin SKY bakah Ishan Kishan te an tel a, match hnuhnung pahnih khel tur Iyer tiamin pathum an awm tihna a ni.

India squad : Suryakumar Yadav (Captain), Ruturaj Gaikwad (vice-captain), Ishan Kishan, Yashasvi Jaiswal, Tilak Varma, Rinku Singh, Jitesh Sharma (wk), Washington Sundar, Axar Patel, Shivam Dubey, Ravi Bishnoi, Arshdeep Singh, Prasidh Krishna, Avesh Khan, Mukesh Kumar