A thiam rual inlan hun

Mizoram Football Association leh Tlangnuam Games & Sports Association buatsaih D. Buanga & Sons Inter Village Futsal Tournament 2023 chu zaninah last 16 khelh chhunzawm a ni dawn a, Philip Indoor Stadium, Tlangnuama inkhelte hi a hmuhnawm hlawm khawp ang.

Match hmasa bera inlan tur Ramhlun Vengthar hian an vengchhungah futsal league an kalpui a, player ṭha an kawl. Chutihrualin an khingpui tur Sihphir tun hnaia football/futsal-a hmasawn ber zinga mi an ni. Zan dar 6:30-a inkhel tur Tanhril A leh Sihphir Venghlun te hi ADFA First Division club nei ve ve an ni a, Sihphir hi tun hnai bikah football/futsal-a result nei ṭha zawk an ni.

Zan dar 8:00-ah football khel veng tia sawi ṭhin Dinthar an inlan dawn a, tun hnai bikah chuan Dinthar hi chu football aiin futsal-ah an ṭha ta zawk. Ramhlun Venglai hi chu football-ah sulhnu sawi tur an nei lo a ni thei a, futsal-ah kher chuan eng veng mah an en sang bik lo ang.