Bencic a inhnukdawk ve leh

Championship club Watford chuan an coach tura Vladimir Ivic an lakluh thu an puang a, kum 43 mi coach hian kum khat chhung atan contract ziakin a ṭul dan a zira kum khat dang pawhsei theih tura tih a ni. 

Premier League aṭanga tla hlim Watford hian league match hnih khelh tur an la nei tihin Nigel Pearson chu a hna aṭangin an chawlhtir a, Under 23 coach Hayden Mullins chuan match hnih chhung hi a enkawl lailawk. 

Pearson an ban chungin English top flight-ah Watford an inhamtang thei lo a, Maccabi Tel Aviv manager hlui lam an hawi ta a ni. Season hnih liam taah khan Tel Aviv hi Israeli Premier League champion a nihpui a,  Toto Cup-ah a champion bawk. 

Serbian coach hian Greek club ṭha PAOK a lo enkawl tawh bawk a, 2016-17 season khan Greek Cup-ah a champion pui - European league langsarah sulhnu la nei lo mah se a hnathawh en chuan coach hmabak nei êng tak niin a lang. 

Watford hian season liam ta chhung khan Pearson bakah Javi Gracia leh Quique Sanchez Flores an ban tawh a, Ivic hi tun hnai thla 12 pawh tling loa an coach palina tihna a ni! Ivic chuan, "England-a ka hun hmasa ber tur a ni a, a rang thei ang berin insiamrem kan tum ang. Ka tan chuan club tana hna ṭha tak thawh hi a pawimawh em em a ni," tiin a sawi.