Lalmalsawma Memorial-ah team 128 tel

Mizoram Football Association buatsaih Lalmalsawma Memorial MFA Inter Village Futsal Tournament 2020-ah team 128 an tel a, February 17 aṭangin Malsawma's Yard, Durtlang Leitan-ah khelh ṭan a ni dawn.

First round-ah hian match 64 a awm dawn a, February17-22 chhungin khelh zawh a ni ang. Second round hi February 24-26 ah khelh a ni dawn a, KṬP General Conference neih lai (February 27 - March 1) chhung chu chawlh a ni dawn. 

Round of 32 hi March 3-4, 2020-ah khelh a ni ang a, Round of 16 aṭangin fixtures hi pawh ṭhat leh tur a ni. Inter Village Futsal Tournament 2020 en man hi Rs 20 a ni ang.